Biznesmeni në Bulqizë kërcënohej në telefon për lekë

Biznesmeni në Bulqizë, Gëzim Balla kërcënohej në telefon për t’i marrë një shumë parash nga një person i paidentifikuar.

Nëse nuk i jepte shumën e kërkuar, ai e kërcënonte se do ta vriste. Duke marrë shkas nga telefonatat, Balla u ankua në polici dhe më pas bashkëpunoi për të kapur kërcënuesin.

Ky i fundit i la një pikë takimi biznesmenit për të marrë paratë, por kur pa që ishte i shoqëruar, i kërkoi të shkonin në një kodër aty pranë.

Më pas, kur kuptoi që shoqëruesit ishin policë, kërcënuesi qëlloi në ajër. Policia ka identifikuar autorin dhe po punon për kapjen e tij.