Ky është një ambient që deri para pak ditësh funksionoi si një loto sporti, por sot është në këtë gjendje në përpjekje për t’u dhënë sërish me qira…
Me mbylljen e pikave të basteve sportive janë të shumtë ambientet e biznesit që kërkojnë qiraxhinj të rinj. Eriketa Kocollari është menaxhere e këtij dyqani prej 200 metra katror në qendër të Korçës. Ajo thotë se përfitonte një qira të kënaqshme në muaj, nga aktiviteti i lojërave të fatit, ndaj dhe tani po kërkon që të investojë që të ruaje të njëjtën leverdi ekonomike.
“Ne e kishim këtë ambient me qira, që ishte e konsiderueshme. Tani kemi shumë oferta, por ne jemi duke parë se cila prej tyre është më e leverdishme për ne, pasi duam të që të ruajmë të njëjtën nivel qiraje. Për ne si biznes mbyllja e lojërave të fatit ishte e paparashikueshme.”
Situata është e ngjashme edhe në qytetin e Durrësit. Janë më qindra biznese që kanë njoftimin jepet me qira. Ndërkohë qytetarët e kanë mirëpritur këtë vendim. Por ka edhe nga ata që e shohin me skepticizëm vendimin.
Mbyllja e veprimtarisë së kumarit edhe për qytetarët e Lezhës konsiderohet si lajmi më i mirë për këtë vit. Sipas tyre pikat e lotove kishin zaptuar thuajse të gjithë qytetin.
Nga një janari janë mbyllur të gjitha pikat e basteve sportive, kazinove si dhe bingove. Në total numëroheshin rreth 5 mijë pika të tilla në të gjithë vendin.
