Një person është vënë në prangat e policisë së Lushnjës dhe tre të tjerë janë proceduar penalisht, pasi ushtronin aktivitet të kundraligjshëm të lojrave të fatit.
Sipas policisë është ndaluar shtetasi me Iniciale M.S, 23 vjeç, banues në Lushnje. Të cilit gjatë kontrollit i është gjetur dhe sekuestruar 2 aparatura elektronike të lojrave të fatit, 6 valixhe të mbushura me çipsa, 1 tavolinë pokeri si edhe 150 euro të dyshuara të falsifikuara.
Ndërkohë në kuadër të operacionit “Gambling” janë proceduar penalisht shtetasit G.Ç, 44 vjeç nga Lushnja, V.Gj, 29 vjeç dhe G.B, 29 vjeç, banues në Fier.
Informacionet bëjnë me dije se në lokalin e 44 vjeçarit u sekuestruan në cilësinë e provës materiale 2 tavolina pokeri, 12 pako letra bixhozi, 3 njësi kompjuterike, 1 printer, 2 monitor, 2 tableta dhe 1 laptop të cilat shërbenin për ushtrimin e aktivitetit të kundraligjshëm të lojrave të fatit.
Ndërsa procedimi penal ndaj dy fierakëve ka nisur pasi ata organizonin lotari të palejuara nëpërmjet telefonit.
