Tmerri per banoret e qytetit sirian te Alepos nuk po merr fund, pasi forcat qeveritare dhe rebelet vazhdojnë luftimet e ashpra. Ushtria e presidentit Assad ka përparuar ne veri te qytetit dhe vazhdon bombardimet ne zonat e kontrolluara nga grupet rivale. Sipas UNICEF, vetëm gjate nje jave kane gjetur vdekjen 96 fëmije dhe mbi 200 te tjere jane plagosur. Diplomacia ndërkombëtare ende nuk ka arritur nje marrëveshje per armëpushim. Presidenti amerikan Obama dhe kancelaria gjermane Merkel gjate nje bisede telefonike dënuan ashper sulmet barbare ruse dhe te regjimit sirian mbi Alepo. Përplasja me Rusinë ka vene ne rrezik pezullimin e bisedimeve per nje armëpushim te ri ne Siri, çka është paralajmëruar nga sekretari amerikan i Shtetit.
“Bombardimet ne Alepo janë te pafalshme. Jemi ne prag te pezullimit te bisedimeve, pasi ne këto kushte gjerat nuk mund te merren seriozisht.”
SHBA kane akuzuar Rusinë se po mbështesin terroristet, por per Moskën refuzimi per te bashkëpunuar shihet si dhurate per ta. Zedhenesja e ministrisë se Jashtme ruse, Maria Zakharova tha se duhet veçuar e ashtuquajtura opozite paqësore nga terroristet qe veprojnë ne Siri dhe SHBA nuk po dallojnë rebelet e moderuar siriane nga xhihadistet ekstremiste.
