Kryetarja e Gjykatës Kushtetuese, Holta Zaçaj përmes një deklarate për mediat pasqyroi bilancin vjetor të këtij institucioni. Ajo theksoi se pavarësisht ngarkesës, Gjykata Kushtetuese ka mundur të arrijë objektivat e saj, duke mos pasur asnjë çështje të prapambetur.
“Pavarësisht ngarkesës së çështjeve gjykata ka bërë përpjekje për përmbushjen e objektivave të saj, me qëllim dhënien e një drejtësie funksionale. Gjykata ndërmori nisma konkrete për përmirësimin e veprimtarisë në disa drejtime, miratoi rregullatoren dhe ridimensionoi marrëdhëniet me të dhe me publikun”, ka thënë ajo.
Ajo theksoi se ndonëse me buxhet të pamjaftueshëm, Gjykata Kushtetuese ka mundur të realizojë objektivat, duke synuar cilësi në vendimarrje./vizionplus.tv/
