Një tërmet i fuqishëm me magnitudë 5.8 ballë i shkallës Rihter goditi këtë të hënë ishullin e Kretës, në Greqi.
Lëkundjet e tokës u ndjenë në orën 09:37 në Iraklio, ndërsa deri më tani raportohet për një humbje jete edhe 11 të plagosur.
Sipas mediave greke, viktima ishte punëtor i një kishe. Ai ishte bashkë me të birin duke punuar për riparimin e objektit te kultit kur humbi jetën. Ndërsa disa persona të tjerë u bllokuan në banesat e tyre. Tërmeti bëri që shumë njerëz të ikin nga ndërtesat dhe të dalin nëpër rrugë.
Nga lëkundjet sizmike u shkaktuan dëme të mëdha, pasi shtëpi të vjetra u shkatërruan pothuajse totalisht. Më shumë se 1.000 banesa sipas vlerësimeve fillestare, konsiderohen të pabanueshme. Ndërkohë, në total rreth 4800 banorë mbetën në qiell të hapur.
Tërmeti është ndjerë në gjithë Kretën si dhe në ishullin Santorini.
