Italia ka shënuar një rënie të rasteve të reja me koronavirus këtë të hënë në raport me një ditë më parë.
Autoritetet shëndetësore italianë kanë raportuar gjatë 24 orëve të fundit 17,012 të infektuar të rinj.
Ndërkohë, është rritur numri i vdekjeve. Këtë të hënë u regjistruan 141 humbje jete, 13 më shumë se dje. Në total, numri i viktimave ka arritur në 37.479.
Në gjendje të rëndë shëndetësore ndodhen 1284 pacientë, ndërsa të shëruar të rinj janë 2,423.
Aktualisht, numri i përgjithshëm i personave të shëruar që nga fillimi i pandemisë është 268.626.
