Bie ndjeshëm numri i rasteve me COVID-19 në Maqedoninë e Veriut gjatë 24 orëve të fundit

Bie ndjeshëm numri i rasteve të reja me COVID-19 edhe në Maqedoninë e Veriu.

Nga 249 teste të kryera gjatë 24 orëve të fundit, vetëm 5 raste kanë dalë pozitivë me koronavirus. Ndërsa janë konfirmuar edhe 2 persona që kanë humbur jetën nga COVID-19.

Ministria e Shëndetësisë ka raportuar në total 1511 të prekur. Ndërkohë, numri i të shëruarve sërish ka shënuar rritje të madhe, me 95 raste të reja.

Numri i pacientëve të shëruarve nga virusi ka arritur gjithsej në 945 , ndërsa i të infektuarve është ulur në 482.