Kryeministri i Greqisë, Kiriakos Micotakis ka zhvilluar një vizitë zyrtare në Shtetet e Bashkuara të Amerikës, ku ka takuar presidentin amerikan Joe Biden në Shtëpinë e Bardhë.
Lufta në Ukrainë, kriza energjetike edhe marrëdhëniet diplomatike mes dy vendeve kanë qenë temat kryesore.
JOE BIDEN
PRESIDENT I SHTETEVE TE BASHKUARA TE AMERIKES
“Përshëndesim reagimin e Greqisë ndaj sulmit barbar që Rusia po kryen ndaj demokracisë në Ukrainë nga regjimet autoritare që duan të përmbysin rendin juridik ndërkombëtar. Dua të nënvizoj rolin konstruktiv që ka luajtur Greqia.”
Kreu i shtëpisë së bardhë po ashtu përshëndeti edhe angazhimin e Greqisë për të gjetur alternativa të tjera për të mundësuar një embargo të gazit dhe naftës ruse.
Athina zyrtare ka njoftuar se në vitet e ardhshme do të blejë një skuadron avionësh F-35 .
Por ky është parë si një mesazh i qartë nga Uashingtoni ndaj Turqisë, pasi këta avionë kanë qenë “dëshira e zjarrtë” e Ankarasë për të marrë armatimin dhe për të kontrolluar hapësirën ajrore të Egjeut.
