Shfaqja e dështuar e presidentit Joe Biden në debatin kundër ish-presidentit Donald Trump i ka dhënë një tjetër rrjedhë zhvillimeve për zgjedhjet që do të mbahen pas disa muajsh.
Votuesit amerikanë, madje dhe ata demokratë por edhe diplomatë nga e gjithë bota kanë shprehur tronditje, shqetësim dhe pikëpyetje për aftësitë e kreut të Shtëpisë së Bardhë, Biden për të qenë një kandidat i denjë përballë ish-presidentit Trump i cili po lufton për një mandat të dytë.
Lexo edhe :
Related Posts
Vetë presidenti Biden pranoi paraqitjen e dobët përballë Trump, por nuk dha asnjë shenjë se mund të tërhiqet nga gara.
“Unë e di që nuk jam një djalë i ri. E di që nuk eci aq lehtë sa dikur, nuk flas aq mirë sa dikur, nuk debatoj aq mirë sa dikur, por unë di të them të vërtetën. Nuk do të kandidoja përsëri nëse nuk do të besoja me gjithë zemër dhe shpirt se mund ta bëja këtë punë”, tha biden.
Gjatë fjalimit të tij Biden akuzoi Trump se ka thyer rekord me gënjeshtrat gjatë debatit ndërsa tha se ai kërkon të rikthehet në shtëpinë e Bardhë me synim hakmarrjen dhe ndëshkimin.
Në reagimin e parë pas debatit Donald Trump tha se problem nuk është rënia personale e Joe Biden por politikat e tij destruktive.
“Pyetja që çdo votues duhet t’i bëjë vetes sot nuk është nëse Joe Biden mund t’i mbijetojë një shfaqjeje debati 90-minutëshe, por nëse Amerika mund t’i mbijetojë edhe katër vjet të tjera politikave të shtrembra të Joe Biden në Shtëpinë e Bardhë?”, tha Trump.
Mosha e presidentit Biden dhe paraqitja e tij në publik kanë qenë shqetësim për votuesit edhe më herët por debati i së enjtes në mbrëmje i përforcoi edhe më shumë ato./vizionplus.tv
