Nëntë diplomatë të rinj, të pagëzuar me emrin gjenerata “Sami Frashëri”, u betuan këtë të hënë në Ministrinë e Jashtme.
Të pranishëm në ceremoni ishin ministri i Jashtëm në detyreë, Gent Cakaj dhe homologu i tij kosovar, Behgjet Pacolli. Sipas Cakajt, diplomacia shqiptare është në një moment historik.
“Pavarësisht paparashikueshmërive është e qartë se diplomacia shqiptare për momentin po kalon në tre fusha tepër delikate, të cilat mbase përbëjnë një prej periudhave më interesante të historisë së diplomacisë shqiptare në përgjithësi. Diplomatët e rinj do të kenë nderin dhe po ashtu detyrën dhe sfidën që të veprojnë pikërisht në këto rrethana.”
Gjenerata “Sami Frashëri” është gjenerata e pestë që u betua.
