Parlamenti i Maqedonisë ka shtyre per ditën e marte ne mesdite, seancën ku pritet te zgjidhet kryetari i ri. Pas disa orëve debateve mes deputeteve, kryesisht nga ana e VMRO dhe LSDM, ku nuk munguan edhe akuzat e replikat, kryesuesi i seancës vendosi te shtyje vazhdimin e saj. Ndërkohë, LSDM dhe BDI dorëzuan zyrtarisht kërkesën e firmosur nga 20 deputete, duke propozuar emrin e nënkryetarit te BDI-se Talat Xhaferri ne postin e kreut te Kuvendit.
Por lëvizja Besa është shprehur se nuk do ta mbështesë kete kandidature, me pretendimin se LSDM nuk ka propozuar nje emer nga kjo force politike dhe se Xhaferi ka qene ministër ne qeverinë e Gruevskit. Vete kreu i VMRO-se Gruevski, mungoi ne seancën e kësaj te hene, pasi ndodhet ne Malte, per te marre pjese ne kongresin e Partive Popullore Europiane. Ndërkohë, deputetet e partisë se tij, ne përpjekje per te vonuar sa me shume procedurat, jane regjistruar te gjithë per te mbajtur fjalime.
