“Unë jam president për asgjë në Mediaset. Jam jashtë Mediaset prej 18 vitesh.”

 

Kështu dëgjohet të thotë ish-kryeministri Italian Silvio Berlusconi në një regjistrim të fshehtë në vitin 2011, të publikuar nga agjencia italiane ANSA. Regjistrimin e ka kryer njëra nga vajzat e ftuara prej tij në një nga festat e tij të shumta. Vajzat kërkojnë me ngulm të bëhen pjesë e botës së televizionit.

 

“Unë një kontratë dua dhe kaq mjafton “papi”. Është ajo që me nevojitet. Nuk është se po të kërkoj shumë. ti je kryeministri i Italisë, pronar i Mediaset”.

 

Berluskoni i përgjigjet se nuk është e mundur dhe se televizioni nuk është i tiji.

 

“E ke parë çfarë po më bëjnë? Çfarë po i bëjnë Kryeministrit të Italisë. Unë jam president për asgjë në Mediaset. Jam jashtë Mediaset prej 18 vitesh. Nuk është diçka e lehtë, po të ishte e lehtë do ta kisha bërë. Më kanë vënë përballë 3 gjykatës komunistë. Tashmë kam zbuluar se 2 prej tyre shkruanin për “Lotta Continua” ku kanë bërë fjalime për të falimentuar.”

 

Gjate bashkëbisedimit me vajzat, Berluskoni ish-kryeministri Italian sulmon edhe gjyqtaret e Milanos qe ne korrik 2011 kishin dënuar kompaninë e tij Fininvest.

 

 “Kanë provuar gjithçka, por unë kam rezistuar pa u lëkundur. Unë jam, ai që jam goditur më shumë, sepse pas një jete të kaluar me punë më kanë shkatërruar imazhin në botë. Sepse tashmë jam ai i “bunga bunga”. Gjithçka kam bërë si ekonomist, si politikan, madje kam shmangur edhe një luftë mes Rusisë dhe Gjeorgjisë”

 

Silvio Berlukskon dëgjohet teksa ankohet se ka bërë gjëra nga më të çmendurat për vendin e tij, por njerëzit i kanë harruar.

Leave a Reply

Your email address will not be published. Required fields are marked *