Berisha udhëheq protestën e opozitës, Basha jashtë vendit
Në mungesë te kryetarit Lulzim Basha I cili ndodhet ne Bruksel, protesta e opozitës para parlamentit udhehiqet nga lideri historik I selisë blu, Sali Berisha.
Ai mbërriti në turmë disa minuta pas nisjes së protestes dhe u prit menjehere me ovacione te medha dhe me thirrje ne kor “ Berisha, Berisha”.
Të tjerë figura të rëndësishme përretrh Berishës në proteste janë edhe Edi Paloka, Gazmend Bardhi, Fatmir Mediu dhe drejtuesja e LSI, Monika Kryemadhi.
Policia kisshte marrë masa të forta sigurie para parlamentit duke vendosur në hyrje të godinës 3 kordonë me policë, shto këtu edhe rrethimin e ambjentit me gardh metalik.
Pavarësisht kësaj nuk ka munguar hedhja e kapsollave drejt uniformave blu, të cilat nga ana e tyre I kanë bërë thirrje drejtuesve të protestes që të largojnë nga turma të gjithë ata persona që janë me maska.
