Berisha: Pas 11 dhjetorit shpallim ditën e protestës kombëtare

Nga Devolli, ku po mban “Foltoren” e radhës, ish-kryeministri Sali Berisha lajmëroi se pas datës 11 dhjetor, ku pritet të mbahet edhe Kuvendi i partisë i thirrur prej tij, do të përcaktohet dita e madhe e protestës kombëtare.

Gjatë fjalës së tij, ai përsëriti thirrje e tij ndaj lideri demokrat. Lulzim Basha, për të dhënë dorëheqjen nga kreu i PD-së.

“Nëse Rama i mbylli pengut dosjen e Tiranës, atë të Belgjikës, ku rezulton i shpallur anëtar i organizatës kriminale, nuk e mbylli dot. I kerkoj të japë dorëheqjen dhe të mos mbajë peng PD. Ky revolucion nuk ka të ndalur, nuk ka forcë në botë. Dëgjo: Rama të mbyll dosje, por nuk të shpëton nga kjo shumicë gjigande. I them Edi Ramës të heqë dorë nga lojërat me peng kryetarin. Pas 11 dhjetorit do të përcaktojmë ditën e madhe të protestës kombëtare, në të cilën do të shpallim kërkesat tona deri në fitoren e plotë”, deklaroi Berisha.