Berisha paralajmëroi arrestimin e Metës në “Quo Vadis”, çfarë tha kreu i PD pak ditë më parë

Kreu i Partisë së Lirisë, Ilir Meta, u arrestua ditën e sotme, pasi është nën hetim për disa çështje nga SPAK.

Pak ditë më parë, i ftuar në emisionin emisionin “Quo Vadis” të Pranvera Borakajt në Vizion Plus, kryedemokrati Sali Berisha kishte paralajmëruar një arrestim të mundshëm të një lideri opozitar.

“Unë informoj shqiptarë se 10 ditë më parë në Tunizi u zgjiodh presidenti i Tunizisë, i cili njëlloj si Edi Rama arrestoi kryetarin e partisë më të madhe opozitare, pastaj edhe kryetarin e partisë së dytë më të madhe opozitare dhe së treti edhe kryetarin e partisë së tretë që kishte marrë guximin të kandidonte. Edi rama mendoi se me dhunë dhe terror ndaj opozitës do të marrë mandatin e katërt, por të garantoj që llogaritë i ka shumë gabim”, tha Berisha në Quo Vadis.

Ndërkohë sot, ai e mësoi lajmin e arrestimit gjatë një konference me gazetarët dhe e quajti një persekutim politik ndaj Metës./vizionplus.tv