Berisha mblodhi Kuvendin/ Reagon Rama: Në majat e dëshpërimit, pasioni i absurdit…
Në një moment kur në stadiumin “Air Albania” po zhvillohet Kuvendi i thirrur nga ish kryeministri Berisha, kryeministi Edi Rama ka publikuar një thënie të Emil Cioran.
Në thënien e publikuar nga Rama thuhet se në majat e dëshpërimit, pasioni i absurdit është e vetmja forcë që mund të hedhë një dritë djallëzore mbi terrin e kaosit.
“THËNIE E DITËS
Në majat e dëshpërimit, pasioni i absurdit është e vetmja forcë që mund të hedhë një dritë djallëzore mbi terrin e kaosit. Kur të gjitha arsyet – morale, estetike, fetare, sociale e me radhë – pushojnë së udhëhequri jetën e dikujt, si mundet ai të jetojë pa iu dorëzuar hiçasgjësë? Vetëm duke u kapur pas absurdit, pas dashurisë për padobishmërinë absolute, duke dashuruar diçka që s’ka asnjë thelb por që simulon iluzionin e jetës. I bie të jetosh vetëm e vetëm sepse malet nuk qeshin dhe krimbat nuk këndojnë.
Emil Cioran”, thuhet në postimin e Ramës.
