Sali Berisha përmes një deklaratë për mediat jashtë Kuvendit akuzoi policinë se ka ketrajtuar deri në vdekje Leart Kurtin, 32-vjecarin që gjeti vdekjen pasi u shoqërua nga forcat e rendit mbrëmjen e kaluar në Tiranë.
Kryedemokrati e quajti këtë ngjarje, një vrasje shteterore të shemtuar e banditeve të Edi Ramës.
Kriminelë me uniformë i morën jetën të riut Lear Kurti. Kjo është një vrasje shtetërore e shëmtuar, e banditëve të Edi Ramës dhe ministrit të tij të familjes, Çuçi.Me këtë rast, unë i shpreh ngushëllimet më të ndjera familjes së të riut Lear Kurti.Por shpreh revoltën time më të fuqishme ndaj këtij akti kriminal të përsëritur të vrasësve me uniformë, për të cilët nuk ekziston asnjë lloj norme, ligji apo morali.Ky është akti i disatë që vrasës me uniformë u marrin jetën të rinjve në rrugë, në makinat e policisë apo komisariat.Ky akt shëmtuar është një dëshmi tjetër se Shqipëria qeveriset nga një bandë e udhëhequr nga Rama dhe miku i familjes, Çuçi.
Berisha I bëri thirrje të ngrihen në proteste kundër qeverisë për këtë vrasje.
Me këtë rast, u bëj thirrje të gjithë të rinjve të ngrihen fuqishëm në një protestë të madhe, të protestojnë kundër kësaj vrasje mizore, kundër kësaj vrasje me torturë, e kanë vdekur në makinën e policisë. E kanë çuar të vdekur në spital. Nuk kanë kryer as gjërat më minimale dhe siç e patë ju, parlamenti i tyre refuzoi të mbajë një minutë heshtje. Qëndroi në anën e vrasësve, jo të viktimës.Edhe ky është një akt i shëmtuar. Nuk ka sesi, nuk janë rastësi këto përsëritje periodike.Policia është e mbushur me vrasës dhe trafikantë, është e mbushur me patronazhistë kriminelë. Ndaj ndodhi këto.Po të marrësh vrasjet nga policia në harkun 18-mujor, janë më të shumta se në SHBA dhe Europë të marra së bashku.Ndaj këtu mbetet vetëm protesta dhe përballja me këta hajdutë për shpëtimin e jetës.
