Kreu i Partisë Demokratike, Sali Berisha, ka komentuar dje listën e kandidatëve të Partisë Socialiste për zgjedhjet e 11 majit, duke e cilësuar atë si një “listë të skapit”. Ai ka bërë një koment të ashpër të figurave kryesore të kësaj liste, duke përmendur disa ministra të PS-së dhe duke i akuzuar për korrupsion dhe abuzime të tjera.
Berisha u ndal tek ministrja Belinda Balluku, “Lubi”, duke e akuzuar për shpenzime të tepërta si dhe për menaxhimin e fondeve të mëdha. Ai e kritikoi atë për një incident ku, sipas tij, ka shpenzuar një mijë euro për një biftek.
Po ashtu, Berisha nuk e kurseu as ministrin Blendi Klosi, të cilin e quajti “simbol të bixhozit”, duke e akuzuar për veprime që lidhen me këtë aktivitet dhe për marrjen e përfitimeve të padrejta.
“Ndërkohë shqiptarët panë listën e skapit në krahun tjetër. Të gjithë ministrat, me dosje kunjtalshe mbi shpinë, u futën njëri pas tjetrit në listën e mbrojtur për shkakun e vetëm se kanë vjedhur bashkë me Ramën. Se ata që nuk kanë vjedhur bashkë me Edi Ramën, por kanë ngrënë dardha veças, ata morën udhët.
Ministrat si Lubia, si Mazniku një mijë euro pjata bifteku, si Lubia që ka administruar 12 miliard euro të Shqiptarëve por kanë avulluar në drejtime të paditura. Klosi që është simboli i bixhozit, e kuptoni ju cdo të thotë të jesh simbol bixhozi, që e lë lëkurën peng. Blendi Klosi, Blendi bixhozi.
Shalsi, që u qahej të tjerëve se mbetën tek vjehrra 8 apartamente kur ikur nga bashkia. Listë të mbyllur. Po Çuçi që i detyrohet familjarisht 10 mln euro të vjedhura nga Delina, që në rast se taskapaguesit amerikane kërkojnë tu kthehen paratë këto i konvertohen në vite burgu. Por Vengu, dezertori i NATO-s, një nga anëtarët e çetës 5D, edhe ai në mbrojtje.“, tha Berisha.
