Nënkryetari i PD i pjesës së “Rithemelimit”, Luçiano Boçi, i ftuar në “Quo Vadis” të moderuar nga Pranvera Borakaj në Vizion Plus, ka komentuar vendimin e sotëm të Këshillit të Mandateve, ku u votua heqja e imunitetit të deputetit Sali Berisha.
Boçi tha se vendimi i sotëm nga ana e Kuvendit ishte i nxituar pasi duhej pritur më parë venmdimi i Gjykatës Kushtetuese.
“Në rastin konkret mu duk një nxitim i tepruar i parlamentit. Sot duhet të kishte shprehur seriozitetin, të vinte vendimi i Gjykatës Kushtetuese, dhe ap[s vendimit Sali berisah është aty çdo ditë në zyrën e vet. Vetë mënyra se si u interpretua, zonja Bushka tha se Bushka ka sjellë prova. Në fakt mosrespektimi i Gjykatës nuk ishte mos respektim i Gjykatës nga shtetasi, por mbrojtje e Kushtetutës nga zoti Berisha”, tha Boçi.
Më tej ai u shpreh se kjo është hera e dytë në histori që kërkohet heqja e lirisë për Sali Berishën, dhe në të dyja herët ka ardhur në 12 Dhjetor.
Ai theksoi se për herë të parë është kërkuar në 12 Dhjetor 1990 nga ana e Ramiz Alisë, pasi ishte krijuar PD, dhe për herë të dytë kërkohet në 12 Dhjetor të 2023, pak ditë pasi u festua themelimi i PD.
“Kanë qenë dy momente kur është kërkuar heqja e lirisë së zotit Berisha 12 dhjetor 1990 pas themelimit të PD, ishte Ramiz Alia që kërkoi arrestimin e zotit Berisha. Dhe në 12 Dhjetor të vitit 2023 pas festës së themelimit të PD kërkohet sërish arrestimi i Berishës. Unë nu ki shoh koiçidenca këto, por i shoh revansh të atyre forcave”, u shpreh Boçi.
/Vizionplus.tv/
