Një nga lagjet më problematike të ndotura të qytetit të Beratit, pastrohet dhe mbillet me pemë, një zonë që prej vitesh ishte shndërruar në shesh-depozitimi mbetjesh pranë lumit Osum,
Pas pastrimit të gjithë territorit të ndotur nga plehrat dhe në vijim të aksionit për mbjelljen e pemëve,punonjësit e Drejtorisë së Bujqësisë dhe të Gjelbërimit,janë duke punuar tashmë në zonën pranë Qendrës “Lira” ku,pas pastrimit të saj,filloi sot mbjellja e 600 fidanëve të rinj.
Drejtori i Drejtorisë së Bujqësisë,Rajmond Abazi,ka pohuar se,shtrimi me asfalt i rrugës “Osumi” si dhe ndërhyrjet e tjera që janë bërë në këtë zonë gjatë muajve të fundit,e kanë ndryshuar thuajse tërësisht atë.
“Ka qenë një zonë e mbushur me mbetje, inerte, plehra e gjithçka tjetër. Ndërhyrja jonë bëri të mundur pastrimin e zonës,sistemimin e saj dhe tashmë jemi në fazën e mbjelljes së pemëve,duke krijuar kështu një mjedis të pastë,të mbrojtur nga ndotjet dhe nga erozioni,por edhe një mjedis çlodhës për banorët e kësaj zone. Këtu janë planifikuar të mbillen rreth 600 pemë,ndërsa do të vazhdohet me të njëjtin rritëm edhe në zona të tjera”.
