Një gol i shënuar nga Karim Benzema në minutën e 57 i dha mundësi Realit të Madridit që të fitojë derbin e kryeqytetit në La Liga.
Skuadra e Zidanë mposhti 1 me 0 Atletikon e Madridit në fushën e vet dhe blindoi vendin e parë në klasifikim.
Nëse në pjesën e e parë ishin miqtë më mirë, madje duke goditur edhe shtyllën me Korrean, ndryshe ndodhi në pjesën e dytë.
Me zëvëndësimet e kryera, Zidan i dha Realit një tjetër pamje.
Goli pati për protagonist Vinicius, Mendi dhe në fund Benzema. Tani diferenca nga Barcelona është 6 pikë, mirëpo katalanasit nuk e kanë luajtur ende ndeshjen e tyre të kësaj jave.
