U luajtën tre ndeshjet e para te play off ne Uefa Champions League. Ne takimet e transmetuara ne platformën Tring, ra ne sy barazimi i Benfikes ne fushën e vet ne shtëpi 1 me 1, kundër Paok te Selanikut.
Portugezeve ju desh fundi i pjesës se pare per te zhbllokuar rezultatin, por ne fund Pizzi, pasi kishte shpërdoruar tre raste dhe kishte goditur dhe traversën, arrin te kaloj ne avantazh skuadrën e tij pas nje penalltie te akorduar nga gjyqtarit. Me fillimin e pjesës se dyte Benfika mundohet te ruaj rezultatin per te shkuar e qete ne ndeshjen e dyte, por ne minutën e 76 Warda barazon rezultatin per PAOK-un, me nje gol qe vlen shume per skuadrën greke ne ndeshjen e kthimit.
Ndërkohe holandezet e “PSV” fituan me përmbysje 3 me 2 kundër “Bate Borisov” ne Bjellorusi. Bjelloruset kaluan ne avantazh qe ne minutën e 8 si dhe patën nje sere rastesh te tjera per te dyfishuar rezultatin, por pikërisht ne momentin me te mire per Baten, Milunovic prek topin me dore ne zonën e rreptësisë dhe gjyqtari i ndeshjes akordon 11-metereh per PSV, i shndërruar ne gol nga Gaston Pereiro. Pjesa e dyte nis me holandezet ne sulm dhe ne minutën e 61 Lozano kthen rezultatin ne 1-2 per PSV. Kur dukej se ndeshja po shkonte drejt përfundimit, ne minutën e 88 nje dalje e gabuar e portierit holandez, i jep mundësinë Bate Borisov qe ta barazoi shifrat ne 2-2. Barazim qe zgjati vetëm 1 minute, pas nje përgjumje te mbrojtjes bjelloruse e cila i dha mundësinë te sapo hyrit ne fushe Malen qe te shënonte golin e 3 dhe te fundit per PSV.
Dueli tjetër Cervena Zvezda -Salzburg u mbyll ne barazim. Madje u cilësua nga mediat si nje ndeshje e mërzitshme, ku te dyja skuadrat u kujdesen me shume qe te mos pësonin gol, sesa te hidheshin ne sulme per te shënuar. Ndeshjet e kthimit do te luhen pas nje jave, ndërsa sot pritet te zbresin ne fushe Ajax-Dinamo Kiev, Mol Vidi-Aek Athinës e Young Boys-Dinamo Zagabria.
