Belgjika në zi për sulmet terroriste

Brukseli u ndal ne mesdite për te mbajtur nje minute heshtje ne nderim te viktimave te sulmeve terroriste. Jo vetëm ne sheshet ne kryeqytet, por ne te gjithë vendin mijëra njerëz kujtuan 34 personat qe gjeten vdekjen ne shpërthimet ne aeroport e metro. Belgjika ndodhet ne zi kombëtare. Homazhet per jetet e pafajshme vijuan edhe kete te mërkure me vendosjen e luleve ne shesh. Lule e qirinj mbushen sheshet edhe natën e shkuar, ku njerëzit sfiduan friken dhe dolën ne rruge per te treguar solidaritet. Dhimbja per familjaret e viktimave është e madhe, ndërsa ka nisur edhe identifikimi i tyre. Respekt për viktimat treguan mijëra njerëz edhe ne kryeqendra te rëndësishme te Evropës. Monumente dhe objekte ikone, mes te cilave edhe kulla Eifel ne Paris u ndriçuan me ngjyrat e flamurit belg.