Nje fitore 2 me 0 dhe Belgjika shkruan historinë. Për herë të parë skuadra fiton finalen e vogël të një botërori duke rrëmbyer vendin e tretë.
Sfida ndaj Anglisë nuk ishte e lehtë, por djemtë e trajnerit Martinez ja dolën që të dominonin gjithë lojën.
I pari që gjeti rrjetën ishte Munier. Ai shënoi që në minutën e 4 ndaj rivalëve, duke i dhënë një goditje të shpejtë tre luanëve. Anglezët tentuan të barazonin shifrat po u gjendën përballë një mbrojtjeje të hekurt. Edhe pse në avantazh, belgët sërish kërkuan të dyfishonin rezultatin.
Dhe këtë e arritën në pjesën e dytë të takimit në minutën e 82 me anë të Hazard.
Anglezët e patën të pamundur të rrezikonin më tej. Dhe me mbarimin e takimit, dolën nga fusha të dëshpëruar për këtë humbje të dytë që i la jashtë treshes më të mirë të botërorit.
Tashmë që belgët kthehen në shtëpi me një trofe shumë të rëndësishëm, është radha e kroatëve që të dielën të bëjnë surprizën, pasi edhe ata ndodhen për herë të parë në histori në një finale botërori.
