Për situaten mes Kosovës dhe Serbisë foli edhe presidenti i vendit Bajram Begaj i cili u shpreh se kriza në komunat veriore të Kosovës ishte e panevojshme.
BAJRAM BEGAJ
PRESIDENT I SHQIPERISE
“Askush nuk është i kënaqur me sjellje që nuk i shërbejnë rajonit në momentin që i gjithë Ballkani Perëndimor është në process integrimi. Në kohën kur ne prisnim zhvillimin e negociatave mes Kosovës dhe Serbsë”
I pyetur për komunkimimet e tij me krerët e shtetit të kosovës, Begaj tha se ato janë të vazhdueshme:
“Kam shprehur mbështetjen e Shqipërisë dhe kam vendosur theksin e domosdoshmërisë për vazhdimin dhe zbatimin e marrëveshjeve të arritura në Bruksel e Ohër. E përsëris, për mua sovraniteti i Kosovës është i padiskutueshëm dhe ndërtimi i institucioneve demokratike është gjithashtu i domosdoshëm. Sa i përket qëndrimit, unë kam bërë një thirrje vllazërore për autoritetet e Kosovës; duhet të kenë durim, maturi, dhe duhet të koordinohen me partnerët tanë strategjik.”
Këto deklarata president i bëri në konferencën e përbashkët me homologun estonez Alar Karis i cili vizitoi sot Tiranën, vizitë kjo e para e një Presidenti estonez në Shqipëri.