Begaj, apel shqiptarëve të Luginës që të marrin pjesë masivisht në zgjedhjet e së dielës në Serbi
Presidenti Bajram Begaj i ka bërë thirrje shqiptarëve të Luginës së Preshevësqë të marrin pjesë në zgjedhjet e nesërme në zgjedhjet parlamentare në Serbi.
Përmes një postimi në rrjetet sociale, ai ka deklaruar se zgjedhjet e ditës së nesërme janë një moment shumë i rëndësishëm për përfaqësimin politik dhe mbrojtjen e të drejtave të tyre.
Sipas kreut të shtetit, vetëm përmes pjesëmarrjes masive dhe zgjedhjes së kandidatëve mund të arrihen këto të drejta.
Postimi i plotë:
Shqiptarë të Luginës së Preshevës, Preshevë, Medvegjë e Bujanoc!
Zgjedhjet e ditës së nesërme janë një moment shumë i rëndësishëm për përfaqësimin tuaj politik dhe mbrojtjen e të drejtave tuaja.
Vetëm përmes pjesëmarrjes masive dhe zgjedhjes së kandidatëve tuaj mund ta arrini këtë.
Duke shpresuar në një proces sa më demokratik, ju inkurajoj të merrni pjesë në votime e të zgjidhni kandidatët tuaj të preferuar që do t’ju përfaqësojnë në Parlamentin e ardhshëm.
