Brukseli i cilëson te papranueshme sulmet e opozitës ndaj shefit te divizionit për Ballkanin Perëndimor Eduard Auer. Zedhenesja per politiken e jashtme te BE Maja Kocijancic, e pyetur nga Vizion Plus per ankesën zyrtare te partive te opozitës, ka deklaruar se sulme te tilla jane te papranueshme.
“Këto lloj sulmesh personale ndaj zyrtareve te Bashkimit Europian jane te papranueshme dhe ne i refuzojmë me force. Bashkimi Europian dhe përfaqësuesit e tij po punojnë ne mbështetje te Shqipërisë dhe qytetareve te këtij vendi.”
Vizion Plus ka pyetur zedhenesen edhe nëse Brukseli është ne dijeni te qëndrimit te Eduard Auer.
“Kur behet fjale per zhvillimet aktuale, përfaqësuesja e larte Mogerini dhe komisioneri Hahn e kane bere shume te qarte qëndrimin e BE ne dekoratën e se mërkurës.”
Nje dite me pare partitë e opozitës i drejtuar zyrtarisht Brukselit nje ankese per qëndrimet qe Eduard Auer mbajti gjate nje vizite ne Tirane pak dite me pare. Ish-kryeministri Sali Berisha nga ana e tij kërkoi largimin e Auer, duke e cilësuar skllav ose te klubit 4700 euro m2 ose te klubit kanabist të Edi Ramës. I gjithë sulmi i opozitës mbi shefin e divizionit per Ballkanin Perëndimor erdhi, pasi Eduard Auer u propozoi futjen ne zgjedhje aleateve te Partisë Demokratike.
