Në fjalimin e fitores, Albin Kurti deklaroi se dialogu me Serbinë nuk është më prioritet. Por Bashkimi Europian nuk vonoi të rikujtojë kreun e Vetëvendosjes, se normalizimi i marrëdhënieve me fqinjin verior, mbetet kusht për rrugëtimin e Kosovës drejt Europës.
Në një deklaratë të përbashkët, përfaqësuesi i lartë për politikë të jashtme dhe siguri, Borrel dhe Komisioneri për Zgjerimin, Oliver Verhelyi nënvizojnë se presin që autoritetet në Prishtinë të angazhohen në mënyrë konstruktive, me qëllim të vazhdimit të takimeve në dialogun e lehtësuar nga BE-ja.
Deri në zgjedhjen e qeverisë së re të Kosovës, Brukseli zyrtar ka paralajmëruar se nuk do të ketë takime në kuadër të dialogut.
