BE përgënjeshtron Isa Mustafën
Diskutimi mbi marrëveshjen e bashkësinë e komunave serbe bazohet mbi paktin e nënshkruar mes dy vendeve. Ky është qëndrimi i përfaqësueses për politikë të jashtme të unionit, Federika Mongerini, që bie në kundërshtim me deklaratën e kryeministrit të Kosovës, Isa Mustafa. Ky i fundit tha se gjatë bisedimeve në Bruksel është shqyrtuar ndryshimi i marrëveshjes, duke patur parasysh dhe vendimin e Gjykatës Kushtetuese.
“Diskutimet mes përfaqësuesve të Kosovës dhe Serbisë janë fokusuar në zotimet që të dyja palët kanë marrë për të punuar mbi zbatimin e marrëveshjes së nënshkruar tashmë për bashkësinë e komunave serbe”.
Takimi i parë mes Mustafës dhe Vuçic, nën ndërmjetësimin e zonjës Mongerini ka përfunduar pa marrëveshje, sa i takon çështjes së komunave serbe në veri të vendit. Ky pakt është kundërshtuar ashpër nga opozita në Kosovë, e cila ka mbajtur një seri protestash dhe ka bllokuar me gaz lotsjellës kuvendin.
