Bashkimi Europian nuk do ta lere te vetme Greqinë qe përballet me nje vale emigrantesh, ndërsa disa shtete evropiane kane mbyllur kufijtë. Kete siguri dha nga Athina presidenti i Këshillit Europian, Donald Tusk, gjate nje konference per shtyp me kryeministrin grek, Cipras. Tusk paralajmëroi emigrantet ekonomike, qe te mos udhëtojnë drejt Europes.
“Dua t’u bej apel gjithe emigranteve te mundshëm ekonomike kudo ku jane, mos ejani ne Europe. Mos u besoni trafikanteve. Mos rrezikoni jetën dhe paratë tuaja. Greqia dhe as ndonjë vend tjetër evropian, nuk do te jete me vend tranzit. Rregullat e shengenit do te hyjnë serish ne fuqi”.
Sipas tij, përjashtimi i Greqisë nga Shengeni nuk do te thotë zgjidhje e krizës, pasi ajo është pjese e euros, e unionit dhe kështu do te mbese. Per kryeministrin grek veprimet e njëanshme nga shtetet anëtare te unionit per menaxhimin e krizës se emigranteve duhet te marrin fund.
Aleksis Cipras: Greqia do te kërkoje qe te gjitha vendet te respektojnë traktatin evropian dhe do te kete sanksione per ato qe nuk veprojnë kështu. Ne kërkojmë qe te ndalen veprimet e njëanshme. Do te bëjmë çfarë duhet qe asnjë emigrant te mos jete i pashprese, por s’mund ta mbajmë barrën te vetëm.
Turneu i zyrtarit te larte europian ne disa vende te Ballkanit vijon me Turqinë, ku do t’u kërkoje autoriteteve te reduktojnë numrin e emigranteve qe udhëtojnë drejt Greqisë.
