Bashkimi Evropian ka konfirmuar se takimi i radhës në kuadër të dialogut mes Kosovës e Serbisë, në nivel kryenegociatorësh, do të zhvillohet më 17 dhjetor në Bruksel. Të dyja palët kanë konfirmuar pjesëmarrjen e tyre.
Zëdhënësja e BE-së për politikë të jashtme dhe siguri, Anitta Hipper, ka thënë se në këtë takim do të shqyrtohen një varg çështjesh, përfshirë edhe zbatimi i marrëveshjes drejt normalizimit të marrëdhënieve.
Takimi i fundit në nivel kryenegociatorësh u mbajt më 23 tetor në Bruksel.
Kosova përfaqësohet nga zëvendëskryeministri, Besnik Bislimi, ndërsa Serbia nga drejtori i zyrës për Kosovën në qeverinë e Serbisë, Petar Petkovic./vizionplus.tv
