BE lëvron këstin për Greqinë

Në një kohë kur situata në Greqi është e tensionuar për shkak të protestave masive ku u kërkua dhe dorëheqja e kryeministrit Cipras, Bashkimi Europian ka lëvruar këstin e radhës prej 7.5 miliardë eurosh për Athinën zyrtare. Borxhi është pjesë e marrëveshjes prej 86 miliardësh që u aprovua në vitin 2015. Ai është akorduar pas miratimit të reformave të thella në sistemin e pensioneve. Sipas eurokomisionerit për çështjet ekonomike, ky borxh do të krijojë më shumë oksigjen për ekonominë greke e cila duhet të shlyejë dhe borxhet e radhës ndaj Bankës Qëndrore Europiane. Megjithë reformat e ndërmarra deri më tani, borxhi publik i Greqisë është 182.8% ndërsa papunësia vazhdon të mbetet e lartë në kuotën e 24%.