Pas skandalit te “Panama Papers”, BE do te detyroje kompanitë e mëdha te zbulojnë me shume informacione, qe lidhen me taksat. Rregullat e reja do te vlejne firmat shumëkombëshe, qe kane te ardhura me te mëdha se 750 milione euro. Ato duhet te detajojnë sa taksa paguajnë ne vendet e BE-se dhe çdo aktivitet, qe kryejnë ne te ashtuquajturat parajsa fiskale. Sipas nje propozimi te Komisionit Europian, qe pritet te behet ligj, kompanitë duhet te japin informacion për xhiron, fitimet përpara taksave, tatimin mbi te ardhurat, taksat e paguara dhe te ardhurat e akumuluara. Zyrtaret paralajmërojnë se legjislacioni fokusohet ne aktivitetet ne parajsat fiskale.
Jonathan Hill: Ky eshte nje propozim ambicioz per me shume transparence per taksat. Ka nje lidhje te rëndësishme mes punes sone te vazhdueshme per transparence dhe parajsave fiskale, qe ne po e ndërtojmë ne propozim.
Rregulla te ngjashme kane ekzistuar me pare per bankat, sektorin e minierave dhe kompanitë pyjore. Megjithatë, propozimi i Komisionit Europian do te kerkoje miratimin e Parlamentit Europian dhe qeverive te vendeve anetare, përpara se te shndërrohet ne ligj.
