Bashkimi Europian i jep 14 milionë euro Shqipërisë, per shkak te performancës dhe progresit te deritanishëm në zbatimin e reformës së menaxhimit financiar. Ambasadorja e BE ne Tirane, Romana Vlahutin thekson ne një deklarate, se përmirësimi i menaxhimit financiar publik është kusht per disbursimin e rreth 130 milionë eurove të vendosura deri tani, nga zarfi i përgjithshëm prej 650 milionë euro, për periudhën 2014-2020. Me keto fonde mbështeten reformat në administratën publike, punësim dhe arsim profesional, ne transport dhe në luftën kundër korrupsionit. Ambasadorja Vlahutin thekson, se rezultatet mund t’i mundësojnë Shqipërisë t’i përballojë më mirë shërbimet publike, si drejtësia e paanshme, rrugët e sigurta, përkujdesje shëndetësore me cilësi të mirë, ushqim i sigurt, mbledhje efikase e mbetjeve, ujë i pijshëm i pastër dhe higjienë.
