Shërbimet sekrete turke dështuan ne zbulimin e tentative per grusht shteti dhe kjo është e mjaftueshme qe presidenti Rexhep Taip Erdoan te zgjasë gjendjen e jashtëzakonshme përtej afatit tremujor te përcaktuar. Vete Erdoan e deklaroi kete ne nje interviste per agjencinë e lajmeve Reuters. Duke përmendur rastin e Francës, presidenti tha se nuk sheh pengesa ne zgjatjen e saj, nëse do te jete e nevojshme. Ndërkohe ne vend vazhdojnë spastrimet e personave te dyshuar per lidhje me klerikun Fetullah Gylen ne disa sektorë, arrestimet dhe shkarkimet nga puna. Situata ne Turqi, veçanërisht pas shpalljes se gjendjes se jashtëzakonshme ka shqetësuar BE. Shefja e politikes se Jashtme, Federica Mogherini dhe komisioneri per Zgjerimin, Johannes Hahn kane bere thirrje per respektimin e ligjit dhe te te drejtave e lirive te njeriut. “Ajo qe po shohim veçanërisht ne universitete, media e gjyqësor është e papranueshme. Nuk ka shfajësim per veprime qe minojnë te drejtat dhe liritë themelore”, theksohet ne nje deklarate te përbashkët te tyre. Qeveria turke ka pezulluar përkohësisht zbatimin e Konventës se te Drejtave te Njeriut.
