BE dënon sulmin kundër Klodiana Lalës

Sulmi ndaj banesës së prindërve të gazetares Klodiana Lala ka sjellë një sërë reagimesh dhe nga institucionet ndërkombëtare në vendin tonë.

Delegacioni i BE  është reagimi tjetër mes shumë reagimesh të ardhur në përkrahje të gazetares Lala.

Përmes një postimi në “Twitter”, delegacioni i BE dënon sulmin duke përsëritur mbështetjen për gazetarët në vijën e frontit të raportimit mbi krimin e organizuar në Shqipëri.

“Dënojmë sulmin kundër gazetarit investigative Klodiana Lala dhe përsërisim mbështetjen tonë më të fortë për gazetarët në vijën e frontit të raportimit mbi krimin e organizuar në Shqipëri. Ne ftojmë autoritetet që të hetojnë plotësisht dhe menjëherë ngjarjen”.