Ndihma ekonomike prej 270 milionë eurosh për Armeninë për katër vitet e ardhshme u njoftua nga presidentja e Komisionit, Ursula von der Leyen, pak para fillimit të dialogut trepalësh të nivelit të lartë midis Bashkimit Evropian – SHBA-së dhe Armenisë në Bruksel.

Në një konferencë për shtyp, të mbajtur nga Presidenti i Komisionit, së bashku me Sekretarin Amerikan të Shtetit Anthony Blinken dhe kreun e diplomacisë evropiane, Josep Borrell, si dhe kryeministrin e Armenisë Nikol Pashinyan, ajo theksoi se “paketa” prej 270 milionë euro kredi do të lidhet me zbatimin e reformave që synojnë forcimin e institucioneve demokratike në vend.

Në fund të fundit, synimi është të forcohen njëkohësisht investimet, veçanërisht ato që lidhen me sektorin e energjisë, por edhe diversifikimin e partnerëve tregtarë të Armenisë. Ursula von der Leyen bëri një referencë të veçantë për “iniciativën e paqes” të kryeministrit armen, por edhe për rreshtimin e Armenisë në lidhje me sanksionet e BE-së kundër Rusisë.

Nga ana e tij, Sekretari Amerikan i Shtetit theksoi se SHBA-ja do të ndajë 65 milionë euro, duke nënvizuar se Armenia është përballë “një momenti të së vërtetës” për popullin e saj dhe lidershipin e saj si aktor rajonal në aspektin e paqes me vendet fqinje.

“Integrimi rajonal” është “kyç”, tha Anthony Blinken, por edhe se SHBA mbështet nismat përkatëse të kryeministrit Pashinyan.

Kreu i diplomacisë amerikane vuri në dukje në të njëjtën kohë se “ka një të ardhme të fortë” për rajonin e gjerë të Kaukazit dhe se shpreson se ajo do të “ndërtohet” me ndihmën e SHBA-së në bashkëpunim me BE-në.

Takimi trepalësh i sotëm sipas Josep Borel përmirëson partneritetin mes BE-së dhe Armenisë në nivelin më të lartë dhe theksoi se një “Armeni më e fortë” do të forcojë më tej të gjithë rajonin e Kaukazit.

Takimi trepalësh BE-SHBA-Armeni ishte diskutuar në fund të vitit 2023 pas shpërnguljes masive të armenëve nga Nagorno-Karabaku./vizionplus.tv

Leave a Reply

Your email address will not be published. Required fields are marked *