BBC: Trump fiton Wisconsin dhe bashkë me të edhe zgjedhjet në SHBA
CBS, partneri i BBC-së në SHBA, po projekton që një shtet tjetër i luhatshëm ka shkuar tek Donald Trump, Wisconsin, që do të thotë se ai ka 276 vota të kolegjit elektoral, më shumë se 270 që nevojiten për të fituar garën e përgjithshme.
Si rezultat, Trump tani parashikohet të ketë fituar presidencën dhe do të rihyjë në Shtëpinë e Bardhë si presidenti i 47-të i Amerikës.
Zgjedhja e ish-presidentit vjen disa muaj pasi i mbijetoi dy atentateve ndaj tij. Ai është bërë presidenti i dytë në histori që fiton me mandate jo të njëpasnjëshme, pasi siguroi votat elektorale të nevojshme.
Trump foli nga Palm Beach duke shpallur fitoren e parakohshme ndërsa votat ishin në favor të tij.
Duke folur në Uest Palm Beach të Floridës, zoti Trump u premtoi amerikanëve se “çdo ditë do të luftoj për ju” dhe se do të sjellë “epokën e artë për Amerikën”.
“Kjo ishte një lëvizje që nuk është parë ndonjëherë më parë dhe, sinqerisht, kjo ishte, besoj, lëvizja më e madhe politike e të gjitha kohërave”, tha zoti Trump.
Ai u zotua të “rregullojë situatën në kufi” dhe “të rregullojë gjithçka në vendin tonë”.
Një zyrtar i fushatës së zonjës Harris u tha mbështetësve të saj të mbledhur në Uashington se ajo nuk do të fliste para tyre brenda natës, por do të fliste më vonë të mërkurën./vizionplus.tv
