Bayern fiton në shtëpi, barazon Dortmund

Bayern Munich ka fituar 2-1 ndaj Union Berlinit në javën e 9-të të Bundesligës gjermane.  Fitore që e ngjit përkohësisht në krye të klasifikimit.

Neë minutën e 13 bavarezët kaluan në avantazh me Pavard ndërsa në të 53-ën ishte Lewandoski që dyfishoi shifrat.

Por nga ana tjetër, miqtë e Union Berlin u treguan të pasaktë pasi humbën një penallti. Gabim që u rikuperua në minutën e 86 me Polter, I cili po me penallti ngushtoi shifrat. Shifra që ngelën të pandryshuara deri në fund të takimit.

Ndërkohë, rivalët e Borussia Dortmund barazuan 0-0 “derbin” me Schalken, ndërsa Freiburgu fitoi 2-1 me Leipzig.