Bayerni i Mynihut fitoi minimalisht 1 me 0 kundër Ajntraht Frankfurt në ndeshjen e javës së 15 të Bundesliges. Skuadra e trajnerit Heynckes përfitoi edhe nga ndalesa e rivalit më të afërt Leipzig për të blinduar vendin e parë me 35 pikë, 8 më shumë sesa vendi i dytë.
Transferta në Frankfurt nuk ishte gjithsesi aspak e lehte për bavarezët të cilët iu falë një goli të realizuar nga Arturo Vidal në minutën e 20 të pjesës së parë. Rezultati më befasues erdhi nga Dortmundi ku të zotët e shtëpisë u mundën 2 me 1 nga Werder Bremen dhe tani janë të distancuar me 12 pikë nga Bajerni kryesues.
