Një plagosje me armë zjarri ndodhi mesditën e kësaj të premte në Bathore, brenda ambienteve të një lokali. Dy vëllezër u qëlluan me pistoletë, por fatmirësisht sipas mjekëve të Spitalit të Traumës ndodhen jashtë rrezikut për jetën. Pas ngjarjes, efektivët e komisariatit nr.5 te Kamzës prangosën një 16-vjeçar, si autor te plagosjes. Fillimisht dy vëllezërit janë grindur me adoleshentin e më pas ky i fundit ka shkuar në shtëpi dhe ka marrë armën. Pasi është rikthyer ka qëlluar disa herë në drejtim të tyre. Në vendngjarje, policia sekuestroi pistoletën, si dhe nje arme tjetër shotgan qe i përkiste njërit prej te plagosurve.
