Një ligj i ri i miratuar ne Komisionin e Ekonomisë i jep te drejte bashkive qe te vendosin taksa te përkohshme, me nje afat tre vjeçar dhe jo me shume se dy ne vit.
Kjo nisem është e ngjashme me taksen e infrastrukturës arsimore qe vendosi Bashkia Tirane. Ministri Arben Ahmetaj sqaron se niveli i taksës qe do te propozojnë njësite vendore, nuk do te jete me shume se 35% mbi taksen reference.
Projektligji i ri per financat vendore ne thelbin e tij parashikon një disiplinim me te madh fiskal te bashkive, te cilat do te jene nen ombrellën e Ministrisë. Por shëndoshja financiare e tyre pritet te vije edhe nga rishikimi i tarifave vendore.
Sipas te dhënave, pas reformës territoriale janë 12 miliard leke detyrime ndaj buxhetit nga njësite vendore. Ndaj shlyerja e tyre parashikohet te vije nga miradministrimi, por edhe nga vendosja e taksave te reja.