Një tjetër e dielë pa makina

Kryeqyteti vijon traditën me “Të dielën pa makina”. Edhe në këtë ditë të fundit të javës, Tirana ka bllokuar sheshin “Skëndërbej” dhe e ka vënë atë në dispozicion të qytetarëve. Më të shumtët që përfituan nga lojërat që bashkia kishte organizuar për ta ishin fëmijët. Për të ndjekur nga afër këto aktivitete, ka qënë nënkryetari i bashkisë Abaz Hado, i cili tha se shumë shpejt do të nisin punimet për kthimin në pedonale të sheshit “Skëndërbej”. Kënde të shumta ishin vendosur për fëmijët: muri i dëshirave, ngritja e balonave. Kinemaja verore dhe ekspozita të ndryshme do t’i shoqërojnë ata deri në orët e para të mbrëmjes.