Në vijim të masave për parandalimin e përhapjes së Covid-19, qeveria urdhëroi të hënën izolimin e moshave të treta në shtëpi.
Krahas dezinfektimeve të vazhdueshme, Bashkia e Pukës ka nisur këtë të martë përkujdesjen ndaj të moshuarve ne vetmi në qytet dhe njësitë administrative. Ushqime, detergjentë, si dhe mjete higjeno-sanitare jane pjese e paketës që Bashkia e qytetit verior po shperndan prej dy ditësh. Nderkohë, për të gjithë ata që kanë nevojë po dergohen dhe medikamentet.
Bashkia e Pukës është e para në Shqipëri që nisi aksionin në ndihmë të moshuarve me kushtin e vetëm që ata mos të dalin nga banesat.
