Ardenica, një pikë e rëndësishme e turizmit në bashkinë e Lushnjës ka rikthyer pas disa dekadash një festë të ndaluarpër shumë e shumë vite gjatë komunizmit.
Nën kujdesin e vecante të kryetares së bashkisë Eriselda Sefa, Ardenices iu rikthye tradita e mohuar që prej vitit 1967, kur diktatura ndaloi se zhvilluari festën lokale në nder të lindjes së Shën Mërisë.
Tashmë pas më shumë se 5 dekadash, Ardenica iu rikthye historisë së vet, tashmë me një tjetër dimension atë të promovimit të turizmit. Kryetarja e Bashkisë Eriselda Sefa tha se festa e Ardenices do të jetë tashmë traditë në funksion të rritjes së vizitoreve në këtë pikë turistike, e frekuentuar nga turistet vendas dhe të huaj. Në këtë mënyrë, sipas kryebashkiakes, duke e futur këtë festë në kalendarin e festave të përvitshme, promovohen edhe më tej edhe produktet vendase, si ndihme për bizneset dhe ekonomine familjare.
Festa u shoqërua nga këngët dhe vallet e zonës, ndërsa të pranishmit në Sheshin pranë Manastirit të Ardenices patën mundësi të shijonin bollëkun e prodhimeve tradicionale si rrushi, rakia, vera apo gatimet e zones. Pjesë e kësaj atmosfere të organizuar nga Bashkia Lushnje ishin pervec banoreve te zones edhe deputetët: Erion Braçe, Lindita Buxheli, dhe Bujar Çela.
