Bashkëshortët vdesin në aksident, makina e tyre u përplas nga një autobot uji në aksin Tepelenë- Fier

Një aksident rrugor me pasojë vdekjen e dy personave ka ndodhur këtë të enjte në aksin Tepelenë-Fier.

Rreth orës 05:30 të mëngjesit, pranë fshatit Frakull, nga përplasja e një autoboti uji me një makinë tip Ford kanë humbur jetën një çift bashkëshortësh.

Lexo edhe :

Related Posts

EMRAT/ Aksidenti i rëndë në Fier, kush është çifti i bashkëshortëve që humbën jetën! Shoferi i autobotit dhe pasagjerja të lënduar

Sipas policisë së Fierit drejtuesi i autobotit Sazan Arapi, ka përplasur automjetin tip “Ford”, me drejtues Vangjel Ajdini.

Nga goditja e fortë kanë humbur jetën në vendngjarje, Vangjel Ajdini dhe Marga Ajdini, bashkëshortja e tij, 35 vjeçe, të dy banorë të komunitetit rom.

Nga aksidenti mbeti i plagosur edhe drejtuesi i autobotit, si dhe bashkëshortja e tij Arjanisa Arapi.

Ata ndodhen në spital për ndihmë mjekësore, jashtë rrezikut për jetën.

Paraprakisht dyshohet se shkak i aksidentit  të jetë bërë përgjumja e shoferit të autobotit, megjithatë policia vijon të hetojë ngjarjen.