Ish-presidenti i SHBA-së, Donald Trump, ka paditur ish-avokatin e tij me pretendimin për shkelje të kontratës. Ai kërkon prej ish avokatit një dëmshpërblim prej për 500 milionë dollar.
Sipas ish presidentit të SHBA, avokati, Michael Cohen, ka shkelur detyrën e tij për të vepruar në interesin më të mirë të klientit të tij.
Padia vjen mes sulmeve të përshkallëzuara nga aleatët e Trump ndaj Cohen, i cili është një dëshmitar kyç në një hetim të Nju Jorkut ndaj ish-presidentit.
Një prokuror i Manhatanit javën e kaluar e akuzoi Trumpin për mashtrim në lidhje me pagesat e parave ndaj një ylli porno, shkruan BBC.
Nga ana tjetër, zëdhënësi dhe avokati i Cohen, Lanny Davis, ka deklaruarse ishte i bindur se padia kundër klientit të tij do të dështonte.
Veprimi ligjor, i paraqitur në një gjykatë federale të Floridës, gjithashtu akuzon Cohen për “deklarata të pahijshme, egoiste dhe keqdashëse për ish-klientin e tij, anëtarët e familjes dhe biznesin e tij”.
Cohen shërbente si avokat i Trump për më shumë se një dekadë.
Por të dy patën një mosmarrëveshje të madhe pas zgjedhjeve të vitit 2016, pasi hetuesit filluan të shikonin disa nga këshilltarët e Trump.
Në vitin 2018, Cohen u dënua me tre vjet burg dhe një gjobë pasi u deklarua fajtor për akuzat për mashtrim dhe shkelje të financimit të fushatës.
Avokati i Cohen, zoti Davis, tha në një deklaratë për BBC: “Z. Trump duket edhe një herë se po përdor dhe abuzon sistemin gjyqësor si një formë ngacmimi dhe frikësimi kundër Michael Cohen.