Një 16-vjeçar i shpallur në kërkim është ndaluar nga policia e Korçës.
Siç bëjnë me dije blutë e qytetit, i mituri dyshohet se bashkë me 2 shtetas të tjerë, ka plagosur rëndë, me mjete të forta, një 14-vjeçar, gjatë një konflikti për motive të dobëta.
“Në kuadër të operacionit “Sundimi i Ligjit” u ndalua shtetasi në kërkim L. L., 16 vjeç, banues në Korçë’, thuhet në njoftimin zyrtar.
I mituri ishte shpallur në kërkim për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”, në lidhje me ngjarjen e ndodhur më datë 08.10.2023, në lagjen nr. 12, Korçë, ku gjatë një konflikti për motive të dobëta, në bashkëpunim me 2 shtetas të tjerë (të ndaluar nga Policia, më datë 09.10.2023) ka dëmtuar me mjete të forta, një 14-vjeçar.
Policia sekuestroi në cilësinë e provës materiale, 3 shkopinj të cilët dyshohet se u përdorën gjatë konfliktit./vizionplus.tv