Çiftet që marrin vendimet më të qeta dhe të kujdesshmë janë dhe më jetëgjatët. Para se të merrni vendimin për të jetuar në çift atëherë duhet të mendoni se çfarë ju jeni dhe doni në të vërtetë.
Nëse çdo vendim nga ai më i vogli deri te ai më i madhi e merrni me bisedim dhe marrëveshje të përbashkët, mund të jeni të sigurt që lidhja juaj ka potencial për shtigje të gjata.
Vendimet janë çështje e rëndësishme, sepse në të vërtetë ndodh që çdo ditë t’ju duhet të merrni ndonjë vendim. Çiftet të cilat këtë gjë e bëjnë bashkërisht kanë shanse më të mëdha për të pasur lidhje më të suksesshme dhe më cilësore.
“Ato çifte të cilat nuk e bëjnë këtë gjë bashkërisht dhe jetojnë sipas inercisë, vështirë se do të kenë sukses të qëndrojnë bashkë për një kohë të gjatë”, thotë Galena K. Rods, eksperte në Universitetin e Denverit, e cila merret me studimin e lidhjeve dashurore.
Për herën e parë ky zbulim mund të duket edhe aq i qartë, mirëpo Rods konstaton që shumica e çifteve nuk marrin bashkërisht vendime dhe nuk bisedojnë për to, por i zvarrisin deri në pafundësi.
Është posaçërisht me rëndësi që çiftet para se të fillojnë jetën e përbashkët të ulen dhe të bisedojnë dhe të merren vesh për mënyrën e jetës së përbashkët, mirëpo këtë vërtetë shumë rrallë e bëjnë.
